భూపాలపల్లి జిల్లా

తేది : 08-02-2026

భూపాలపల్లి జిల్లాలో చేపట్టిన అభివృద్ధి కార్యక్రమాల శంకుస్థాపనల కోసం విచ్చేసిన రాష్ట్ర ముఖ్యమంత్రి రేవంత్ రెడ్డి గారికి హెలీప్యాడ్ వద్ద వరంగల్ పార్లమెంట్ సభ్యురాలు డాక్టర్ కడియం కావ్య గారు ఘన స్వాగతం పలికారు.

అనంతరం చెల్పూర్ శివారులో నిర్వహించిన బహిరంగ సభలో వరంగల్ ఎంపీ డా. కడియం కావ్య మాట్లాడుతూ…

మహిళల ఆత్మగౌరవమే ప్రభుత్వ విధానమని, ఆడబిడ్డల ఆత్మాభిమానాన్ని తన అభిమానంగా భావించిన సీఎం రేవంత్ రెడ్డి గారు మహిళా సంక్షేమానికి పెద్దపీట వేస్తున్నారని స్పష్టం చేశారు.

ఇందిరమ్మ ఇండ్ల పథకం ద్వారా పేద మహిళలకు సొంతింటి కలను నెరవేర్చుతున్నారని తెలిపారు.

కోటి మంది మహిళలను కోటీశ్వరుల్ని చేస్తామన్న లక్ష్యంతో లక్ష కోట్ల రూపాయలను బ్యాంకు లింకేజీ ద్వారా అందిస్తూ, వడ్డీలేని రుణాల ద్వారా మహిళలను ఆర్థికంగా బలోపేతం చేస్తున్నారని పేర్కొన్నారు.

మహిళలకు ఉచిత బస్సు ప్రయాణ సౌకర్యం కల్పించారని పేర్కొన్నారు. అలాగే ఉచిత కరెంటు, రూ.500కే గ్యాస్ సిలిండర్ వంటి సంక్షేమ పథకాలతో పేద కుటుంబాలపై నిత్యావసరాల భారం తగ్గించిందని వివరించారు.

భూపాలపల్లి జిల్లాకు నూతన రైల్వే లైన్, నవోదయ విద్యాలయం, గనుల ప్రాంతాలకు అధిక భద్రత కల్పించే అంశాలపై తాను పార్లమెంట్లో నిరంతరం కృషి చేస్తున్నానని తెలిపారు.

అలాగే సీఎస్‌ఆర్ ఫండ్స్ ద్వారా అభివృద్ధి కార్యక్రమాలు చేపట్టే దిశగా చర్యలు తీసుకుంటున్నామని వెల్లడించారు. భూపాలపల్లికి ఇప్పటికే రూ.60 కోట్ల నిధులు మంజూరు చేసినట్లు తెలిపారు.

ఉమ్మడి వరంగల్ జిల్లాపై సీఎం రేవంత్ రెడ్డి వరాల జల్లు కురిపిస్తున్నారని చెప్పారు. “అధికార పార్టీకి ఓటు వేస్తేనే అభివృద్ధి శరవేగంగా జరుగుతుందన్నారు.

గత పాలకుల హయాంలో భూపాలపల్లి అభివృద్ధి కుంటుపడిందని విమర్శించారు. ఇప్పుడు ప్రజల చేతిలో ఉన్న ఓటే ఆయుధం. ఆ ఆయుధంతో అభివృద్ధిని సాధించుకోవాలి” అని ఎంపీ పిలుపునిచ్చారు.

ఈ నెల 11వ తేదీన జరిగే మున్సిపల్ ఎన్నికల్లో కాంగ్రెస్ పార్టీ అభ్యర్థులను, వార్డు సభ్యులను అత్యధిక మెజారిటీతో గెలిపించాలని ప్రజలను కోరారు.

మీ అమూల్యమైన ఓటుతో కాంగ్రెస్‌ను గెలిపించి భూపాలపల్లిని అభివృద్ధి పథంలో ముందుకు తీసుకెళ్లాలని ఎంపీ డా.కడియం కావ్య విజ్ఞప్తి చేశారు.