హనుమకొండ జిల్లా
హనుమకొండ జిల్లా గోపాల్పూర్‌లో మద్యం మత్తులో ఇద్దరు స్నేహితుల మధ్య జరిగిన గొడవ తీవ్రరూపం దాల్చింది.
ఈ ఘటనలో కార్తీక్ అనే వ్యక్తి తన స్నేహితుడు రామ్ చరణ్‌పై కత్తితో దాడి చేసినట్లు సమాచారం. దాడిలో తీవ్రంగా గాయపడిన రామ్ చరణ్‌ను స్థానికులు వెంటనే ఆసుపత్రికి తరలించారు.
ఘటనకు సంబంధించి పూర్తి వివరాలు ఇంకా తెలియాల్సి ఉంది. మద్యం మత్తులో జరిగిన ఈ ఘర్షణ స్థానికంగా ఆందోళనకు గురిచేసింది.
పోలీసులు కేసు నమోదు చేసి దర్యాప్తు ప్రారంభించినట్లు తెలుస్తోంది.