హన్మకొండ పరిధిలోని 4, 9 డివిజన్లలో సానిటేషన్ నిర్వహణపై వరంగల్ కమిషనర్ చాహత్ బాజ్ పాయ్ పరిశీలించారు. కాకతీయ కాలనీ, అక్షర కాలనీ, కెయూసీ రోడ్, ఓల్డ్ రాయపుర ప్రాంతాల్లో పరిశుభ్రత పనులను పరిశీలించి, జివిపి పాయింట్లను నిర్దేశిత టైమ్ షెడ్యూల్ ప్రకారం పూర్తిగా క్లియర్ చేయాలని అధికారులను ఆదేశించారు.
సోర్స్ సెగ్రిగేషన్ ప్రక్రియలో మరింత వేగం పెంచడంతో పాటు, స్వచ్ఛ ఆటోలు 100 శాతం తడి చెత్త సేకరణ చేపట్టాలని సూచించారు. డ్రైన్లను నిరంతరం శుభ్రం చేస్తూ, జవాన్లకు కేటాయించిన రిజిస్టర్‌లో ప్రతిరోజు నిర్వహించిన సానిటేషన్ కార్యక్రమాల వివరాలు నమోదు చేయాలని ఆదేశించారు.
అలాగే పెద్దమ్మ గడ్డ సమీపంలోని కల్వర్టు వద్ద ఏర్పడిన ఓపెన్ డంప్‌ను తక్షణమే శుభ్రం చేయాలని సంబంధిత అధికారులకు కమిషనర్ స్పష్టం చేశారు.