పార్టీలకు అతీతంగా సంక్షేమ పథకాలు అందిస్తున్నాం: ఎమ్మెల్యే రేవూరి ప్రకాశ్ రెడ్డి

హనుమకొండ జిల్లా, గీసుగోండ మండలం: గీసుగోండ మండలం మరియు 15, 16 డివిజన్ల పరిధిలోని గ్రామాలకు చెందిన లబ్ధిదారులకు కళ్యాణ లక్ష్మి, షాదీ ముబారక్ మరియు సీఎంఆర్ఎఫ్ చెక్కుల పంపిణీ కార్యక్రమం బుధవారం కొనయమాకుల రైతు వేదికలో జరిగింది.

పరకాల శాసనసభ్యులు శ్రీ రేవూరి ప్రకాశ్ రెడ్డి గారు ఈ కార్యక్రమంలో ముఖ్య అతిథిగా పాల్గొని చెక్కులను అందజేశారు. సందర్భంగా ఆయన మాట్లాడుతూ.. 46 మంది లబ్ధిదారులకు 46 లక్షల 5 వేల 336 రూపాయల విలువైన కళ్యాణ లక్ష్మి చెక్కులను, 35 మంది లబ్ధిదారులకు 16 లక్షల 20 వేల రూపాయల విలువైన ముఖ్యమంత్రి సహాయ నిధి (సీఎంఆర్ఎఫ్) చెక్కులను పంపిణీ చేశామని తెలిపారు.

పార్టీలకు అతీతంగా సంక్షేమ పథకాలను అమలు చేస్తున్నామని, ప్రతి కుటుంబం ఆర్థికంగా ఎదగడమే కాంగ్రెస్ ప్రజా ప్రభుత్వ లక్ష్యమని ఎమ్మెల్యే రేవూరి ప్రకాశ్ రెడ్డి స్పష్టం చేశారు. గత ప్రభుత్వ పాలకులు ధనిక రాష్ట్రాన్ని అప్పుల కుప్పగా మార్చారని విమర్శించారు. పేదింటి ఆడబిడ్డలకు కళ్యాణ లక్ష్మి పథకం ఎంతగానో ఉపయోగపడుతుందని అన్నారు.

కాంగ్రెస్ ప్రజా ప్రభుత్వంలో నూతన రేషన్ కార్డుల జారీ, ఇందిరమ్మ చీరల పంపిణీ, 200 యూనిట్ల ఉచిత విద్యుత్, రైతు రుణమాఫీ, ఇందిరమ్మ ఆత్మీయ భరోసా, రైతు బీమా, సన్న వడ్లకు రూ.500 బోనస్, మహాలక్ష్మి గ్యాస్ సబ్సిడీ, వడ్డీ లేని రుణాలు, శ్రీనిధి రుణాలు, ఇందిరమ్మ ఇల్లు వంటి అనేక సంక్షేమ పథకాలను విజయవంతంగా అమలు చేస్తున్నామని ఆయన పేర్కొన్నారు.

ఈ కార్యక్రమంలో లబ్ధిదారులు, స్థానిక ప్రజలు, పార్టీ నాయకులు పాల్గొన్నారు.