హన్మకొండ జిల్లా: గూడెప్పాడు సెంటర్‌లోని వైఎం మార్ట్‌లో ఆహార భద్రత అధికారులు నకిలీ టీ పౌడర్‌ను స్వాధీనం చేసుకున్నారు.
ప్రాణాంతక క్యాన్సర్‌కు కారణమయ్యే జుట్టు రంగు (హెయిర్ డై)తో తయారైన నకిలీ టీ పౌడర్‌ను ఈ మార్ట్‌లో విక్రయిస్తున్నట్లు గుర్తించారు.
గెజిటెడ్ ఫుడ్ ఇన్‌స్పెక్టర్ కృష్ణమూర్తి, ఫుడ్ ఇన్‌స్పెక్టర్ మౌనిక నిర్వహించిన తనిఖీల్లో ఈ నకిలీ టీ పౌడర్ బయటపడింది.
నకిలీ ఉత్పత్తులను గుర్తించే విధానం గురించి అధికారులు మీడియా ముందు వివరించారు.
టీ పౌడర్‌లో నీళ్లు పోసిన వెంటనే రంగు మారితే అది నకిలీ, రంగు మారకపోతే అది అసలైనది అని ఫుడ్ ఇన్‌స్పెక్టర్ తెలిపారు.
నకిలీ వస్తువుల పట్ల ప్రజలు అవగాహన కలిగి ఉండాలని, అసలు-నకిలీని గుర్తించే సామర్థ్యం పెంచుకోవాలని సూచించారు.
ఈ తనిఖీల్లో శాయంపేట సీఐ రంజిత్ రావు, ఎస్సై పరమేశ్వర్ పాల్గొన్నారు.