తొర్రూరు

తేది: 26-01-2026

తొర్రూరు మున్సిపాలిటీ పరిధిలో పలు అభివృద్ధి కార్యక్రమాల్లో పాల్గొన్న వరంగల్ పార్లమెంట్ సభ్యురాలు డాక్టర్ కడియం కావ్య గారు..

తొర్రూరు మున్సిపాలిటీ పరిధిలో సుమారు రూ.15 కోట్లతో చేపట్టనున్న వివిధ అభివృద్ధి కార్యక్రమాలకు రాష్ట్ర రెవెన్యూ, గృహ నిర్మాణం, సమాచార శాఖల మంత్రి పొంగులేటి శ్రీనివాస్ రెడ్డి, ప్రభుత్వ సలహాదారు వేం నరేందర్ రెడ్డి, శాసన సభ్యురాలు యశస్విని రెడ్డి గార్లతో కలిసి వరంగల్ పార్లమెంట్ సభ్యురాలు డాక్టర్ కడియం కావ్య గారు శంకుస్థాపనలు చేశారు.

అనంతరం నిర్వహించిన బైక్ ర్యాలీ లో ఎంపీ డా.కడియం కావ్య గారు పాల్గొన్నారు.

BR కన్వెన్షన్ లో నిర్వహించిన తొర్రూరు పట్టణ మునిసిపల్ ఎన్నికల సన్నాహక సమావేశంలో పాల్గొన్న వరంగల్ వరంగల్ ఎంపీ కడియం కావ్య గారు మాట్లాడుతూ, అన్ని వర్గాల సంక్షేమమే కాంగ్రెస్ ప్రభుత్వ ప్రధాన లక్ష్యమని అన్నారు.

మున్సిపాలిటీల సమగ్ర అభివృద్ధికి ముఖ్యమంత్రి రేవంత్ రెడ్డి నేతృత్వంలోని ప్రభుత్వం ప్రాధాన్యతనిస్తూ అభివృద్ధి పనులు చేపడుతోందని తెలిపారు.

ప్రజల సంక్షేమమే లక్ష్యంగా కాంగ్రెస్ పార్టీ పని చేస్తోందని పేర్కొన్నారు. రాబోయే మున్సిపల్ ఎన్నికల్లో కాంగ్రెస్ పార్టీ ఘనవిజయం సాధించడమే లక్ష్యంగా నాయకులు, కార్యకర్తలు సమిష్టిగా కృషి చేయాలని ఎంపీ పిలుపునిచ్చారు. పార్టీ శ్రేణులు క్షేత్రస్థాయిలో ప్రభుత్వ కార్యక్రమాలను ప్రజల్లోకి విస్తృతంగా తీసుకెళ్లాలని సూచించారు.

ఈ కార్యక్రమంలో డిసిసి అధ్యక్షురాలు భూక్యా ఉమా నాయక్, జిల్లా కలెక్టర్ అధికారులు స్థానిక ప్రజా ప్రతినిధులు, నాయకులు కార్యకర్తలు, తదితరులు పాల్గొన్నారు.