భూపాలపల్లి జిల్లా మొగుళ్లపల్లి మండలంలోని అక్కినపల్లి గ్రామంలో నూతనంగా ఏర్పాటు చేస్తున్న బొడ్రాయి మరియు పోచమ్మ తల్లి విగ్రహ ప్రతిష్టాపన కార్యక్రమం ఘనంగా నిర్వహించారు. ఈ కార్యక్రమంలో భూపాలపల్లి ఎమ్మెల్యే గండ్ర సత్యనారాయణ రావు, వర్ధన్నపేట ఎమ్మెల్యే, విశ్రాంత ఐపీఎస్ అధికారి కెఆర్ నాగరాజు పాల్గొన్నారు.

రిటైర్డ్ అడిషనల్ ఎస్పీ రామ్ నర్సింహారెడ్డితో కలిసి ఎమ్మెల్యేలు ప్రత్యేక పూజలు నిర్వహించి అమ్మవారి ఆశీస్సులు పొందారు. గ్రామ ప్రజలు భక్తిశ్రద్ధలతో నిర్వహించిన ఈ వేడుకలో పెద్ద సంఖ్యలో భక్తులు, నాయకులు, కార్యకర్తలు పాల్గొన్నారు.

ఈ సందర్భంగా గ్రామాభివృద్ధి, ప్రజా సంక్షేమం, సాంప్రదాయాల పరిరక్షణ కోసం ప్రజలంతా ఐక్యంగా ముందుకు సాగాలని ఎమ్మెల్యేలు పిలుపునిచ్చారు. గ్రామ దేవతల ఆశీస్సులతో ప్రజలందరికీ ఆయురారోగ్యాలు, సుఖసంతోషాలు కలగాలని ఆకాంక్షించారు.

కార్యక్రమంలో జిల్లా కాంగ్రెస్ అధ్యక్షుడు బట్టు కర్ణాకర్, భూపాలపల్లి మున్సిపల్ చైర్మన్ బుర్ర కొమురయ్య గౌడ్, స్థానిక ప్రజాప్రతినిధులు, కాంగ్రెస్ నాయకులు, కార్యకర్తలు, గ్రామస్థులు పాల్గొన్నారు.