జయశంకర్ భూపాలపల్లి జిల్లా కలెక్టరేట్‌లో తీవ్ర ఉద్రిక్తత చోటుచేసుకుంది. బిల్లుల విషయంలో ఆరా తీసిన కాంట్రాక్టర్ వీరేందర్‌పై పే అండ్ అకౌంట్స్ అధికారి ఫణిభూషణ్ దాడికి పాల్పడ్డారు. సుమారు ₹23 లక్షల ఎల్‌ఓసీ (LOC) నిధుల విడుదలలో జరుగుతున్న ఆలస్యం గురించి కాంట్రాక్టర్ ప్రశ్నించగా, ఆగ్రహానికి లోనైన అధికారి టేబుల్‌పై ఉన్న రింగ్ బెల్‌తో అతనిపై దాడి చేశారు. ఈ ఘటనపై బాధితుడు పోలీసులకు ఫిర్యాదు చేశారు.