హన్మకొండ: కాంగ్రెస్ ప్రభుత్వం అధికారంలోకి వచ్చి రెండున్నరేళ్లు గడిచినా, ఎన్నికల హామీలను అమలు చేయడంలో పూర్తిగా విఫలమైందని విమర్శిస్తూ హన్మకొండలో బీజేపీ శ్రేణులు భారీ నిరసన ర్యాలీ నిర్వహించాయి. జిల్లా అధ్యక్షుడు సంతోష్ రెడ్డి నేతృత్వంలో జరిగిన ఈ ప్రదర్శనలో నాయకులు, కార్యకర్తలు పెద్ద సంఖ్యలో పాల్గొన్నారు.
అమరవీరుల స్తూపం నుండి కలెక్టరేట్ వరకు కాలినడకన ర్యాలీ నిర్వహించిన అనంతరం, కలెక్టరేట్ ముట్టడికి యత్నించడంతో అక్కడ ఉద్రిక్త వాతావరణం నెలకొంది. ఈ సందర్భంగా నాయకులు మాట్లాడుతూ.. ఇచ్చిన అభయహస్తం హామీలను విస్మరించి ప్రజలను మోసం చేస్తున్నారని ప్రభుత్వంపై మండిపడ్డారు.