తెలంగాణ ప్రభుత్వం మహిళల ఆరోగ్యంపై ప్రత్యేక దృష్టి సారించింది. ప్రాణాంతకమైన గర్భాశయ క్యాన్సర్ నివారణకు గానూ రాష్ట్రవ్యాప్తంగా HPV వ్యాక్సినేషన్ డ్రైవ్‌ను ప్రారంభించింది. హన్మకొండ జిల్లాలో కూడా ఈ కార్యక్రమం వేగంగా కొనసాగుతోంది.

  14 నుండి 15 ఏళ్ల వయస్సు గల బాలికలకు ఈ టీకాను ఉచితంగా అందజేస్తున్నారు. జిల్లాలోని ప్రభుత్వ ఆసుపత్రులు, పాఠశాలలు మరియు సామాజిక ఆరోగ్య కేంద్రాల్లో (CHC) ఈ టీకాలు అందుబాటులో ఉన్నాయి. ప్రైవేట్ ఆసుపత్రుల్లో సుమారు ₹3,000 నుండి ₹4,000 వరకు ఖరీదు చేసే ఈ టీకాను, ప్రభుత్వం ఇప్పుడు పూర్తిగా ఉచితంగా అందిస్తోంది.

తల్లిదండ్రులు స్వచ్ఛందంగా ముందుకు వచ్చి, తమ ఆడపిల్లలకు ఈ టీకా వేయించి భవిష్యత్తులో క్యాన్సర్ ముప్పు నుంచి వారిని కాపాడాలని అధికారులు కోరుతున్నారు.