ఉమ్మడి వరంగల్ జిల్లా రైతులకు ఆధునిక వ్యవసాయ పద్ధతులపై అవగాహన కల్పించడమే లక్ష్యంగా హన్మకొండలోని చారిత్రాత్మక ఆర్ట్స్ అండ్ సైన్స్ కాలేజీ మైదానం ‘మెగా రైతు మేళా’కు వేదిక కానుంది.
వ్యవసాయ రంగానికి చెందిన వివిధ విభాగాల సమాచారాన్ని అందించేందుకు దాదాపు 150 ప్రత్యేక స్టాల్స్‌ను గ్రౌండ్లో సిద్ధం చేస్తున్నారు. ఇందులో అత్యాధునిక యంత్ర పరికరాలు, విత్తన రకాలు, మరియు ఎరువుల ప్రదర్శన ఉండనుంది.
కేవలం ప్రదర్శన మాత్రమే కాకుండా, సాగులో వస్తున్న నూతన మార్పులు, డ్రోన్ టెక్నాలజీ, మరియు సేంద్రీయ వ్యవసాయంపై నిపుణులచే రైతులకు ప్రత్యక్ష శిక్షణ ఇవ్వనున్నారు. వ్యవసాయ ఉత్పత్తుల నాణ్యత పెంపు, మార్కెటింగ్ సౌకర్యాలు మరియు అడ్వాన్స్‌డ్ ఫార్మింగ్ టెక్నిక్స్‌పై రైతులకు పూర్తిస్థాయిలో అవగాహన కల్పించనున్నారు.
ఈ మెగా ఈవెంట్ ద్వారా జిల్లాలోని వేలాది మంది రైతులకు మేలు చేకూరనుంది.