హన్మకొండ: వేసవికాలంలో భానుడి భగభగలకు విధుల్లో ఉన్న ట్రాఫిక్ సిబ్బంది ఇబ్బంది పడకుండా ఉండేందుకు హన్మకొండ ట్రాఫిక్ పోలీస్ స్టేషన్ ఆవరణలో ప్రత్యేక కార్యక్రమం నిర్వహించారు. హనుమకొండ శరత్ కంటి హాస్పిటల్ వారి సౌజన్యంతో ఏర్పాటు చేసిన ఈ కార్యక్రమంలో ట్రాఫిక్ అదనపు డీసీపీ ప్రభాకర్ రావు ముఖ్య అతిథిగా పాల్గొని, సిబ్బందికి చలువ అద్దాలను (Cooling Glasses) పంపిణీ చేశారు.
ఈ సందర్భంగా అదనపు డీసీపీ ప్రభాకర్ రావు మాట్లాడుతూ.. ఎండ తీవ్రత అధికంగా ఉన్న సమయంలో ట్రాఫిక్ సిబ్బంది తమ ఆరోగ్యాన్ని కాపాడుకోవడం చాలా ముఖ్యమని పేర్కొన్నారు. నిరంతరం రోడ్లపై విధులు నిర్వహించే వారికి కంటి సమస్యలు రాకుండా ఈ చలువ అద్దాలు ఉపయోగపడతాయని తెలిపారు. సామాజిక బాధ్యతగా ఈ అద్దాలను పంపిణీ చేసిన శరత్ కంటి ఆసుపత్రి యాజమాన్యాన్ని ఆయన అభినందించారు.
ఈ కార్యక్రమంలో హనుమకొండ ట్రాఫిక్ ఇన్‌స్పెక్టర్ శ్రీమతి సీతారెడ్డి, శరత్ కంటి ఆసుపత్రి ప్రతినిధులు మరియు పోలీస్ సిబ్బంది పాల్గొన్నారు