హన్మకొండ: ప్రపంచ ఆరోగ్య దినోత్సవం (World Health Day) సందర్భంగా ఈ నెల 7వ తేదీన జిల్లాలోని అన్ని ప్రాథమిక ఆరోగ్య కేంద్రాల్లో (PHCs) ప్రత్యేక అవగాహన కార్యక్రమాలు నిర్వహించాలని హనుమకొండ జిల్లా కలెక్టర్ చాహత్ బాజ్‌పాయ్ అధికారులను ఆదేశించారు.

 ప్రాథమిక ఆరోగ్య కేంద్రాల ద్వారా ప్రభుత్వం అందిస్తున్న ఉచిత వైద్య సదుపాయాల గురించి ప్రజలకు వివరించాలని కలెక్టర్ సూచించారు. సీజనల్ వ్యాధులు ప్రబలకుండా తీసుకోవాల్సిన జాగ్రత్తలపై ప్రజలకు పూర్తిస్థాయిలో అవగాహన కల్పించాలని పేర్కొన్నారు.

​ దీర్ఘకాలిక వ్యాధులతో బాధపడుతున్న రోగులకు మనోధైర్యాన్ని కల్పించి, మెరుగైన చికిత్స అందేలా చూడాలని అధికారులకు దిశానిర్దేశం చేశారు.​ప్రజారోగ్యం దృష్ట్యా ఈ అవగాహన సదస్సులను విజయవంతం చేయాలని ఆమె ఈ సందర్భంగా అధికారులను కోరారు.