కాజీపేటలో నిర్మాణంలో ఉన్న రైల్వే తయారీ యూనిట్ (Railway Manufacturing Unit) కేంద్రంగా సాగుతున్న ఉద్యోగాల దందాపై రైల్వే అధికారులు తీవ్ర ఆగ్రహం వ్యక్తం చేశారు.
సోషల్ మీడియా వేదికగా జరుగుతున్న తప్పుడు ప్రచారాలను నమ్మవద్దని నిరుద్యోగులకు విజ్ఞప్తి చేశారు.
కాజీపేట కోచ్ ఫ్యాక్టరీలో కాంట్రాక్ట్ ప్రాతిపదికన భారీగా ఉద్యోగ నియామకాలు జరుగుతున్నాయంటూ గత కొన్ని రోజులుగా సోషల్ మీడియాలో పోస్టులు వైరల్ అవుతున్నాయి.
దీనిని ఆసరాగా చేసుకుని కొంతమంది కేటుగాళ్లు నిరుద్యోగుల నుంచి డబ్బులు వసూలు చేసే ప్రయత్నం చేస్తున్నట్లు అధికారుల దృష్టికి వచ్చింది.
ఈ ప్రాజెక్ట్ నిర్మాణ బాధ్యతలను రైల్ వికాస్ నిగమ్ లిమిటెడ్ (RVNL) కు అప్పగించినట్లు అధికారులు తెలిపారు.
* ప్రస్తుతానికి ఎలాంటి ఉద్యోగ నోటిఫికేషన్ విడుదల కాలేదు.
* వైరల్ అవుతున్న పోస్టులు పూర్తిగా నకిలీవని వారు స్పష్టం చేశారు.
* అధికారిక ప్రకటన వెలువడే వరకు ఎవరూ అపరిచిత వ్యక్తులకు డబ్బులు ఇచ్చి మోసపోవద్దని హెచ్చరించారు.