మేడారం మహా జాతరకు వెళ్లే భక్తుల కోసం రవాణా శాఖ భారీ ఏర్పాట్లు చేసింది. నేటి (జనవరి 25) నుండి ఫిబ్రవరి 1వ తేదీ వరకు మొత్తం 290 ప్రత్యేక బస్సులను నడపనున్నట్లు హనుమకొండ డీఎం ధాన్‌సింగ్ వెల్లడించారు.
వరంగల్ నగరంలోని తాత్కాలిక బస్ పాయింట్ నుంచి ఈ ప్రత్యేక సర్వీసులు అందుబాటులో ఉంటాయి. పెద్దలకు రూ. 250, పిల్లలకు రూ. 150 టికెట్ ధరగా నిర్ణయించారు. ప్రభుత్వ నిబంధనల ప్రకారం మహిళలకు ఈ ప్రత్యేక బస్సుల్లో కూడా ఉచిత ప్రయాణ సౌకర్యం కల్పించారు.
అగ్రహంపాడు జాతర వెళ్లే భక్తుల కోసం కూరగాయల మార్కెట్ ప్రాంతం నుంచి ప్రత్యేక బస్సులను నడపనున్నారు. జాతర సమయంలో భక్తులకు ఎలాంటి అసౌకర్యం కలగకుండా, రద్దీకి అనుగుణంగా బస్సు సర్వీసులను పర్యవేక్షిస్తామని అధికారులు తెలిపారు.