వరంగల్ నగరాన్ని ఆధ్యాత్మిక మరియు పర్యాటక కేంద్రంగా తీర్చిదిద్దేందుకు ప్రత్యేక చర్యలు తీసుకుంటున్నట్లు వరంగల్ పార్లమెంట్ సభ్యురాలు కడియం కావ్య గారు తెలిపారు. మంగళవారం ఆమె విలేకరులతో మాట్లాడుతూ నియోజకవర్గ పరిధిలోని అభివృద్ధి ప్రణాళికలను వెల్లడించారు.

వరంగల్ తూర్పు నియోజకవర్గ పరిధిలోని సుమారు 14 పురాతన ఆలయాల అభివృద్ధిపై ప్రత్యేక దృష్టి సారించినట్లు ఎంపీ పేర్కొన్నారు. ఈ ఆలయాల పునరుద్ధరణ, భక్తులకు అవసరమైన కనీస వసతుల కల్పనకు ప్రాధాన్యత ఇస్తున్నట్లు వివరించారు.

​ఆలయాలతో పాటు నగరంలోని పార్కులు, చారిత్రక పర్యాటక ప్రాంతాలను సుందరీకరించి, వరంగల్‌ను అంతర్జాతీయ పర్యాటక చిత్రపటంలో నిలబెడతామని ఆమె ధీమా వ్యక్తం చేశారు. పర్యాటక రంగం అభివృద్ధి చెందడం ద్వారా స్థానికులకు ఉపాధి అవకాశాలు కూడా పెరుగుతాయని ఆశాభావం వ్యక్తం చేశారు.

నగర అభివృద్ధిలో ప్రజల భాగస్వామ్యం కీలకమని, అందరి సహకారంతో ఈ అభివృద్ధి పనులు త్వరితగతిన పూర్తవుతాయని ఎంపీ కడియం కావ్యా తెలిపారు.

చారిత్రక సంపదను కాపాడుకుంటూనే ఆధునిక హంగులతో నగరాన్ని అభివృద్ధి చేస్తామని ఆమె స్పష్టం చేశారు.