హనుమకొండ: శంకుస్థాపనలు చేసి ఊరుకునే నాయకుడు కాదు… పనులు పూర్తయ్యే వరకు క్షేత్ర స్థాయిలో పర్యవేక్షణ చేయడం తన నైజమని మరోసారి చాటుకున్నారు వరంగల్ పశ్చిమ ఎమ్మెల్యే నాయిని రాజేందర్ రెడ్డి.

ఇటీవల 6వ డివిజన్ పరిధిలోని బొక్కలగడ్డ ప్రాంతంలో అంతర్గత రోడ్ల నిర్మాణ పనులకు శ్రీకారం చుట్టిన ఎమ్మెల్యే, గురువారం ఉదయం అక్కడే పర్యటించి పనుల పురోగతిని స్వయంగా పరిశీలించారు.

రోడ్డు నిర్మాణ పనులు సక్రమంగా జరుగుతున్నాయా లేదా, వేసిన రోడ్లపై వాటర్ క్యూరింగ్ జరుగుతుందా, నాణ్యత ప్రమాణాలు పాటిస్తున్నారా అనే అంశాలను దగ్గరుండి పరిశీలించారు. పనుల్లో ఎలాంటి నిర్లక్ష్యం ఉండకూడదని అధికారులకు, కాంట్రాక్టర్లకు స్పష్టంగా సూచించారు.

ప్రజలకు మన్నికైన మౌలిక సదుపాయాలు అందించడమే లక్ష్యంగా ప్రతి అభివృద్ధి పనిని నాణ్యతతో, పారదర్శకంగా పూర్తి చేయాలని ఎమ్మెల్యే నాయిని రాజేందర్ రెడ్డి ఆదేశించారు.

ఈ కార్యక్రమంలో జిల్లా గ్రంథాలయ సంస్థ చైర్మన్ అజిజ్ ఖాన్, బీసీ సెల్ చైర్మన్ బొమ్మతి క్రాంతి, డివిజన్ అధ్యక్షుడు శివాజీ, సీనియర్ నాయకులు బాబాయ్ తదితరులు పాల్గొన్నారు.