గ్లోబల్ స్టార్ రామ్ చరణ్, ఉపాసన కామినేని కొనిదెల దంపతులకు కవల పిల్లలు జన్మించారు. హైదరాబాద్‌లోని అపోలో హాస్పిటల్‌లో ఉపాసన ఒక మగబిడ్డ, ఒక ఆడబిడ్డకు జన్మనిచ్చారు. తల్లి, బిడ్డలు ఆరోగ్యంగా ఉన్నారు.
మెగాస్టార్ చిరంజీవి సోషల్ మీడియా వేదికగా ఈ శుభవార్తను అధికారికంగా ప్రకటించారు. “రామ్ చరణ్, ఉపాసనకు కవలలు పుట్టారు.. ఒక పాప, ఒక బాబు. ప్రస్తుతం తల్లి ఉపాసనతో పాటు ఇద్దరు బిడ్డలు క్షేమంగా ఉన్నారు” అని చిరు పోస్ట్ చేశారు.
మెగా కుటుంబంలో పండుగ వాతావరణం నెలకొంది. 2023లో జన్మించిన కుమార్తె క్లిన్ కారా కొనిదెలతో కలిపి ఇప్పుడు ముగ్గురు పిల్లల తల్లిదండ్రులయ్యారు రామ్ చరణ్ – ఉపాసన దంపతులు.
ఈ శుభవార్త తెలిసిన వెంటనే సినీ ప్రముఖులు, అభిమానుల నుంచి అభినందనలు కురిసిపోతున్నాయి.