టైటిల్ గెలిచి డబుల్ జాక్‌పాట్ కొట్టిన ఆర్సీబీ.. ఐపీఎల్‌లో సరికొత్త చరిత్ర:
రాయల్ ఛాలెంజర్స్ బెంగళూరు (ఆర్సిబి) జట్టు ఐపిఎల్ లో మరోసారి తమ ఆధిపత్యాన్ని చాటుకుంది. గత సీజన్లో 17 ఏళ్ల నిరీక్షణకు తెరదించి తొలి ఐపిఎల్ టైటిల్ ని గెలుచుకున్న ఆర్సిబి.. ఈసారి కూడా అదే జోరుని కొనసాగిస్తూ వరుసగా రెండోసారి ట్రోఫీని కైవసం చేసుకుంది. అహ్మదాబాద్ లో జరిగిన ఐపిఎల్ 2026 ఫైనల్ లో గుజరాత్ టైటాన్స్ పై ఘన విజయం సాధించి అభిమానులను ఆనందంలో ముంచెత్తింది.
156 పరుగుల లక్ష్యంతో బరిలోకి దిగిన బెంగళూరు జట్టుకు ఓపెనర్లు విరాట్ కోహ్లీ, వెంకటేష్ అయ్యార్ అద్భుత ఆరంభాన్ని అందించారు. తొలి బంతి నుంచే దూకుడుగా ఆడిన ఈ జోడి గుజరాత్ బౌలర్ల పై ఎదురుదాడికి దిగింది. వారి మెరుపు బ్యాటింగ్ తో ఆర్సిబి కేవలం 3.3 ఓవర్లలోనే జట్టు స్కోరును 50 పరుగులు మార్కు దాటించింది.
ఈ ప్రదర్శనతో ఆర్సిబి ఐపీఎల్ చరిత్రలో అరుదైన రికార్డును సృష్టించింది. ఫైనల్ మ్యాచ్ లో అత్యంత వేగంగా 50 పరుగులు పూర్తి చేసిన జట్టుగా బెంగుళూరు నిలిచింది. అంతకుముందు ఈ రికార్డు చెన్నై సూపర్ కింగ్స్ పేరిట ఉండేది. CSK 2023 ఫైనల్ లో గుజరాత్ టైటాన్స్ పై 24 బంతుల్లో 50 పరుగులు నమోదు చేసింది. అయితే ఆర్సిబి కేవలం 21 బంతుల్లోనే ఆ మార్క్ చేరుకొని ఆ రికార్డును బద్దలు కొట్టి సరికొత్త రికార్డు క్రియేట్ చేసింది. టైటిల్ విజయంతో పాటు ఈ ప్రత్యేక రికార్డును కూడా తమ ఖాతాలో వేసుకున్న రజత్ పాటిదార్ సేన ఐపీఎల్ చరిత్రలో మరో మైలు రాయిని అందుకుంది. వరుసగా రెండుసార్లు ఛాంపియన్ గా నిలవడం ద్వారా ఆర్సిబి కొత్త శకానికి శ్రీకారం చుట్టిందని అభిమానులు సంబరాలు జరుపుకుంటున్నారు.