వరంగల్ ఎయిర్‌పోర్ట్ ప్రాజెక్ట్ కోసం ప్రభుత్వం ఇప్పటికే 953 ఎకరాల భూమిని సేకరించి కేంద్రానికి అప్పగించింది. త్వరలోనే ఈ విమానాశ్రయ నిర్మాణానికి శంకుస్థాపన చేసేందుకు ప్రభుత్వం సిద్ధమవుతోంది.
ఆదిలాబాద్ ఎయిర్‌పోర్ట్ ని డిఫెన్స్ మరియు సివిల్ ఏవియేషన్ సంయుక్తంగా అభివృద్ధి చేయాలని నిర్ణయించాయి.
తక్షణమే మాస్టర్ ప్లాన్ సిద్ధం చేయాలని అధికారులను ఆదేశించారు. దీనివల్ల ఉత్తర తెలంగాణలో రవాణా వ్యవస్థ గణనీయంగా మెరుగుపడనుంది.
భద్రాద్రి కొత్తగూడెం ఎయిర్‌పోర్ట్ కోసం గతంలో ప్రతిపాదించిన స్థలం అనుకూలంగా లేదని కేంద్రం అభ్యంతరం వ్యక్తం చేసింది.
సాధ్యాసాధ్యాలపై మరింత లోతైన అధ్యయనం చేసి, కొత్త నివేదికను రూపొందించాలని మంత్రి సూచించారు.
పనులు వేగవంతం చేసేందుకు కేంద్ర ప్రభుత్వంతో నిరంతరం సమన్వయం చేసుకోవాలని అధికారులకు సూచన. భూసేకరణ, సాంకేతిక అనుమతులు మరియు మౌలిక వసతుల కల్పనలో ఎక్కడా జాప్యం జరగకూడదని మంత్రి స్పష్టం చేశారు.
ముఖ్యమంత్రి రేవంత్ రెడ్డి గారి నేతృత్వంలో ఈ మూడు ప్రాంతాల్లో విమానాశ్రయాలు అందుబాటులోకి వస్తే, ఆయా జిల్లాల్లో పారిశ్రామిక వృద్ధి మరియు ఉపాధి అవకాశాలు మెరుగుపడే అవకాశం ఉంది.