హైదరాబాద్: ముఖ్యమంత్రి రేవంత్ రెడ్డి అధ్యక్షతన నేడు (గురువారం) సచివాలయంలో రాష్ట్ర మంత్రివర్గం సమావేశం కానుంది. రాష్ట్రంలో నెలకొన్న కీలక రాజకీయ, సామాజిక పరిస్థితుల నేపథ్యంలో ఈ భేటీ అత్యంత ప్రాధాన్యత సంతరించుకుంది. ముఖ్యంగా ఆర్టీసీ సమ్మె పరిష్కారం, మెట్రో రైలు స్వాధీనం, పెండింగ్‌లో ఉన్న స్థానిక సంస్థల ఎన్నికలపై ప్రభుత్వం కీలక నిర్ణయాలు తీసుకునే అవకాశముంది.

​ ఆర్టీసీ కార్మికులు డిమాండ్ చేస్తున్న 32 అంశాలపై కేబినెట్ సుదీర్ఘంగా చర్చించనుంది. సమ్మెను విరమింపజేసే దిశగా ప్రభుత్వం సానుకూల నిర్ణయం తీసుకునే అవకాశం ఉంది. ఆర్టీసీని ప్రభుత్వంలో విలీనం చేసే అంశం కూడా చర్చకు వచ్చే వీలుంది.

ఏప్రిల్ 30లోగా హైదరాబాద్ మెట్రోను ప్రభుత్వం స్వాధీనం చేసుకోవాల్సి ఉంది. ఇందుకోసం ఎల్ అండ్ టీ సంస్థకు చెల్లించాల్సిన రూ.13 వేల కోట్ల రుణ సేకరణకు (IRFC ద్వారా) కేబినెట్ ఆమోదం తెలపనుంది.

​ ఎప్పటి నుంచో పెండింగ్‌లో ఉన్న జడ్పీటీసీ, ఎంపీటీసీ మరియు జీహెచ్‌ఎంసీ ఎన్నికల నిర్వహణపై కేబినెట్ ఒక స్పష్టత ఇవ్వనుంది.

రాష్ట్రంలోని 1.15 కోట్ల కుటుంబాలకు వర్తించే ఈ పథకాన్ని జూన్ 2 నుంచి ప్రారంభించాలని ప్రభుత్వం భావిస్తోంది. దీనికి సంబంధించిన విధివిధానాలను నేటి భేటీలో ఖరారు చేసే ఛాన్స్ ఉంది.

​ కొత్త పీఆర్సీ (PRC) నివేదిక, పెండింగ్ డీఏలు (DA), ఫిట్‌మెంట్‌పై ఉద్యోగ సంఘాల డిమాండ్లను కేబినెట్ పరిశీలించనుంది.

​ పీసీ ఘోష్ కమిషన్ నివేదికపై హైకోర్టు తీర్పు నేపథ్యంలో తదుపరి న్యాయపరమైన చర్యలపై చర్చ.

గవర్నర్ కోటాలో కోదండరాం, అజారుద్దీన్ ఎమ్మెల్సీ అభ్యర్థిత్వాల పెండింగ్ అంశంపై చర్చ.

​ అకాల వర్షాలతో నష్టపోయిన రైతులకు పరిహారం, ధాన్యం సేకరణ మరియు కుల సర్వే (సీపెక్) వివరాలపై సమీక్ష.

జూన్ 2న నిర్వహించాల్సిన ‘ప్రజాపాలన-ప్రగతి ప్రణాళిక’ కార్యక్రమాలపై కార్యాచరణ.

​ఈ సమావేశం ముగిసిన అనంతరం ప్రభుత్వం తీసుకున్న నిర్ణయాలను మంత్రులు మీడియాకు వెల్లడించే అవకాశం ఉంది.