తెలంగాణలో ఇంటర్ విద్యా విధానంలో కీలక మార్పులు తీసుకురానున్నారు. 2026-27 అకడమిక్ ఇయర్ నుంచే ఈ కొత్త విధానం అమల్లోకి రానుంది. విద్యార్థుల్లో ప్రాక్టికల్ నాలెడ్జ్, కాన్సెప్ట్ బేస్డ్ లెర్నింగ్ పెంపొందించే లక్ష్యంతో ప్రభుత్వం మార్పులు చేపడుతోంది.

సైన్స్ గ్రూప్‌లో ఫిజిక్స్, కెమిస్ట్రీ, బోటనీ, జువాలజీ సబ్జెక్టులకు ఇంటర్ ఫస్ట్ ఇయర్ నుంచే ప్రాక్టికల్స్ నిర్వహించనున్నారు. ఫస్ట్ ఇయర్‌లో 15 మార్కులు, సెకండ్ ఇయర్‌లో మరో 15 మార్కులు ప్రాక్టికల్స్‌కు కేటాయించనున్నారు.

మ్యాథ్స్ సబ్జెక్టులో యాక్టివిటీ బేస్డ్ లెర్నింగ్ ప్రవేశపెడుతూ, ప్రతి ఏడాదికి 15 మార్కులు ఇంటర్నల్ అసెస్‌మెంట్‌కు ఇవ్వనున్నారు. అలాగే మ్యాథ్స్ ఫైనల్ పరీక్షలను 75 మార్కుల బదులు 60 మార్కులకు నిర్వహించనున్నారు.

మొత్తం ఫైనల్ పరీక్షలు ఇకపై 100 మార్కుల బదులు 80 మార్కులకే నిర్వహించనున్నట్లు సమాచారం. భాషా విభాగాల్లో కూడా 20 మార్కులను ఇంటర్నల్ అసెస్‌మెంట్‌కు కేటాయించనున్నారు.