తెలంగాణ: రాష్ట్రంలో రోడ్డు ప్రమాదాల నివారణే లక్ష్యంగా డ్రైవింగ్ లైసెన్స్ జారీ ప్రక్రియలో ప్రభుత్వం కీలక మార్పులు చేయనుంది. ప్రస్తుతం అమల్లో ఉన్న LLR మరియు పర్మనెంట్ డ్రైవింగ్ టెస్ట్ కు అదనంగా మరో కొత్త పరీక్షను చేర్చాలని యోచిస్తోంది.
లైసెన్స్ జారీలో పారదర్శకత, భద్రత కోసం మూడు అంచెల విధానాన్ని ప్రభుత్వం పరిశీలిస్తోంది. LLR పరీక్ష కంటే ముందే ఆన్‌లైన్‌లో ‘రోడ్ సేఫ్టీ అవేర్‌నెస్ మాడ్యూల్ టెస్ట్’ నిర్వహించనున్నారు. సుమారు మూడు గంటల నిడివి గల ఈ ఆన్‌లైన్ పరీక్షలో ఆరు విభాగాలు ఉంటాయి. ఏప్రిల్ మొదటి వారం నుండి ఈ కొత్త నిబంధన అమల్లోకి వచ్చే అవకాశం ఉన్నట్లు సమాచారం.