తమిళనాడు రాజకీయాల్లో పెను సంచలనం నమోదైంది. గత కొద్ది రోజులుగా నెలకొన్న ఉత్కంఠకు తెరదించుతూ, ప్రభుత్వం ఏర్పాటు చేసేందుకు తమిళ వెట్రి కజగం (TVK) అధినేత విజయ్‌కు గవర్నర్ గ్రీన్ సిగ్నల్ ఇచ్చారు.
కీలక భేటీ – గవర్నర్ ప్రశ్నలు
లోక్‌భవన్‌లో గవర్నర్‌తో రెండోసారి భేటీ అయిన విజయ్, తనకు ప్రభుత్వ ఏర్పాటుకు అవకాశం ఇవ్వాలని కోరారు. ఈ సందర్భంగా గవర్నర్ కొన్ని క్లిష్టమైన ప్రశ్నలను విజయ్ ముందు ఉంచినట్లు తెలుస్తోంది.
ప్రభుత్వ ఏర్పాటుకు 118 మంది ఎమ్మెల్యేల మద్దతు అవసరం. టీవీకేకు సొంతంగా 112 మంది ఎమ్మెల్యేలు మాత్రమే ఉన్నారు. మెజారిటీకి కావాల్సిన మిగిలిన ఎమ్మెల్యేల మద్దతు ఏ పార్టీల నుండి వస్తుంది? ఇతర పార్టీలు మద్దతు ఇవ్వడానికి సిద్ధంగా ఉన్నాయా?
గవర్నర్ అడిగిన ప్రశ్నలకు సమాధానమిస్తూ, ప్రమాణస్వీకారం చేసిన తర్వాత అసెంబ్లీలో తన బలాన్ని నిరూపించుకుంటానని విజయ్ స్పష్టం చేశారు. విజయ్ విన్నపాన్ని అంగీకరించిన గవర్నర్, ప్రభుత్వం ఏర్పాటుకు అనుమతించారు.
ప్రస్తుత పరిస్థితుల ప్రకారం విజయ్ టీమ్ వ్యూహాత్మకంగా అడుగులు వేస్తోంది. టీవీకేకు ఇప్పటికే కాంగ్రెస్ పార్టీ తన మద్దతును ప్రకటించింది. ఇటీవల జరిగిన ఎన్నికల్లో టీవీకే 108 స్థానాల్లో విజయం సాధించింది.
ఒకవేళ గవర్నర్ నిరాకరిస్తే, కోర్టులను ఆశ్రయించడానికి కూడా విజయ్ బృందం న్యాయ నిపుణులతో సిద్ధమైంది. గవర్నర్ అనుమతి రావడంతో విజయ్ ముఖ్యమంత్రిగా ప్రమాణస్వీకారం చేసేందుకు ఏర్పాట్లు ముమ్మరంగా సాగుతున్నాయి. అసెంబ్లీలో విజయ్ తన మెజారిటీని ఎలా నిరూపించుకుంటారనేది ఇప్పుడు సర్వత్రా ఆసక్తికరంగా మారింది.