వరంగల్ నగరంలో వంట గ్యాస్ కొరత భయం వినియోగదారులను ఆందోళనకు గురిచేస్తోంది. యుద్ధ ప్రభావం వల్ల గ్యాస్ కొరత ఏర్పడవచ్చనే వార్తలతో ప్రజలు ఒక్కసారిగా బుకింగ్‌ల కోసం పోటీ పడుతున్నారు.
ఆన్‌లైన్‌లో ఒకేసారి అందరూ బుకింగ్స్ చేయడానికి ప్రయత్నించడంతో సర్వర్లు మొరాయిస్తున్నాయి. ఆన్‌లైన్ పని చేయకపోవడంతో వినియోగదారులు గ్యాస్ ఏజెన్సీల వద్ద బారులు తీరుతున్నారు. గత 5 రోజులుగా ఆన్‌లైన్ బుకింగ్ కాకపోవడంతో, నగరం నుండి సుమారు 10 కి.మీ. దూరంలో ఉన్న బొల్లికుంట వంటి గ్రామాల నుంచి కూడా మహిళలు ఏజెన్సీలకు తరలివస్తున్నారు.