వరంగల్ రైల్వే స్టేషన్‌లో వరంగల్ GRP పోలీసుల తక్షణ స్పందనతో ఒక మహిళ తన మొబైల్ ఫోన్‌ను తిరిగి పొందింది.
కాజీపేట బాపూజీ నగర్‌కు చెందిన సాజిదా బేగం (భర్త: అబ్దుల్ రజాక్) వరంగల్ నుంచి కేసముద్రం వెళ్లేందుకు ఈరోజు సాయంత్రం వరంగల్ రైల్వే స్టేషన్‌కు వచ్చారు. ఈ సందర్భంగా ప్లాట్‌ఫారం నెంబర్–1 వద్ద ఆమె తన సాంసంగ్ మొబైల్ ఫోన్‌ను ఎక్కడో మర్చిపోయారు.
దీంతో ఆమె వరంగల్ GRP పోలీస్ స్టేషన్‌లో ఫిర్యాదు చేయగా, IRP వరంగల్ పి. సురేందర్ వెంటనే స్పందించారు. ఆన్ డ్యూటీలో ఉన్న GRP సిబ్బంది వై. రాజు మరియు కె. ప్రశాంతిని ఫోన్ కోసం వెతకాలని ఆదేశించారు.
పోలీసులు వెంటనే చర్యలు చేపట్టి సుమారు రూ.18,000 విలువైన మొబైల్ ఫోన్‌ను గుర్తించి సాజిదా బేగంకు తిరిగి అప్పగించారు.
పోలీసుల తక్షణ స్పందనకు ఆమె కృతజ్ఞతలు తెలిపారు.