హన్మకొండలోని సర్క్యూట్ గెస్ట్ హౌస్ రోడ్డులో నూతనంగా ఏర్పాటు చేసిన వరంగల్ పోలీస్ రేంజ్ పరిపాలన కార్యాలయ భవనాన్ని వరంగల్ పోలీస్ కమిషనర్ సన్‌ప్రీత్ సింగ్ ఘనంగా ప్రారంభించారు. ఈ సందర్భంగా ఆయన కార్యాలయంలో ప్రత్యేక పూజలు నిర్వహించి, రిబ్బన్ కట్ చేసి పరిపాలనా విభాగాలను పరిశీలించారు. నూతన కార్యాలయం అందుబాటులోకి రావడం వల్ల పోలీస్ అధికారుల శాఖాపరమైన కార్యకలాపాలు మరింత సులభతరం కానున్నాయని సీపీ తెలిపారు.

రేంజ్ పరిధిలోని పోలీస్ సేవల పర్యవేక్షణ ఇకపై ఈ భవనం నుంచే కొనసాగుతుందని, దీనివల్ల ప్రజలకు అందే సేవలు మరింత మెరుగుపడతాయని ఆయన వెల్లడించారు. పోలీస్ అధికారుల మధ్య సమన్వయం పెంచేలా, ఆధునిక సాంకేతికతతో ఈ కార్యాలయాన్ని తీర్చిదిద్దినట్లు వివరించారు.

​ఈ కార్యక్రమంలో రేంజ్ పరిధిలోని పలువురు పోలీస్ అధికారులు, సిబ్బంది పాల్గొన్నారు. నూతన కార్యాలయం ఏర్పాటు పట్ల హర్షం వ్యక్తం చేస్తూ, ఇది పోలీసు యంత్రాంగానికి ఒక కీలక కేంద్రంగా మారుతుందని సీపీ పేర్కొన్నారు.