వరంగల్ పశ్చిమ నియోజకవర్గంలో అభివృద్ధి పనుల జోరు పెరిగింది. ప్రజల సమస్యలను క్షేత్రస్థాయిలో తెలుసుకొని, వాటికి శాశ్వత పరిష్కారం చూపడమే లక్ష్యంగా ఎమ్మెల్యే శ్రీ నాయిని రాజేందర్ రెడ్డి మంగళవారం 62వ డివిజన్‌లో విస్తృతంగా పర్యటించారు. మొత్తం రూ.1.64 కోట్ల వ్యయంతో వివిధ అభివృద్ధి పనులకు శంకుస్థాపన చేశారు.

​ రూ.50 లక్షలతో అంతర్గత రోడ్ల నిర్మాణానికి శ్రీకారం. కాలనీలోని డ్రైనేజీ సమస్యలు, శ్మశాన వాటిక మౌలిక సదుపాయాల కల్పనపై హామీ మరియు రూ.1.14 కోట్ల వ్యయంతో సీసీ రోడ్లు మరియు సీసీ డ్రైనేజీ పనుల ప్రారంభించారు.

​ కాజీపేట ఎఫ్‌సీఐ గోదాం ప్రహరీ ప్రాంతంలోని సమస్యల పరిష్కారానికి అధికారులకు తక్షణ ఆదేశాలు ఇచ్చారు.

ప్రతి డివిజన్‌లో ఉన్న సమస్యలకు శాశ్వత పరిష్కారం చూపడమే మా ప్రభుత్వ లక్ష్యం. ఇందుకోసం ప్రత్యేక కార్యాచరణతో వారానికి రెండు, మూడు డివిజన్లలో పర్యటిస్తున్నాం. గత పాలకుల కాలానికి, ఇప్పటి అభివృద్ధికి మధ్య ఉన్న వ్యత్యాసాన్ని ప్రజలు గమనించాలి అన్నారు ​ఎమ్మెల్యే నాయిని రాజేందర్ రెడ్డి.

​అభివృద్ధి పనులతో పాటు, ఎమ్మెల్యే ఆయా డివిజన్లలోని బూత్ స్థాయి కమిటీ సభ్యులతో సమావేశమయ్యారు. పార్టీ పునర్నిర్మాణం మరియు ప్రజా సేవలో కార్యకర్తల పాత్రపై దిశానిర్దేశం చేశారు. ప్రజల కోసం నిరంతరం శ్రమించే నాయకత్వానికి అండగా ఉండాలని ఆయన ఈ సందర్భంగా కోరారు.