హన్మకొండలోని బాలసముద్రం ప్రాంతంలో ఒక విషాదకర సంఘటన చోటుచేసుకుంది. ప్రసవం కోసం ఆసుపత్రికి వచ్చిన ఒక మహిళ అనుమానాస్పద స్థితిలో మృతి చెందడం స్థానికంగా కలకలం రేపింది.

 డెలివరీ కోసం బాలసముద్రంలోని ఒక ప్రైవేట్ ఆసుపత్రికి వచ్చిన మహిళ మరణించింది. తమకు ఎటువంటి సమాచారం ఇవ్వకుండానే, ఆమెను మరో ఆసుపత్రికి తరలించారని బాధితురాలి బంధువులు ఆరోపిస్తున్నారు. విషయం తెలుసుకున్న బంధువులు భారీ సంఖ్యలో ఆసుపత్రికి చేరుకోవడంతో అక్కడ పరిస్థితి ఉద్రిక్తంగా మారింది. గొడవ జరుగుతుండటంతో ఆసుపత్రి యాజమాన్యం హాస్పిటల్‌కు తాళం వేసి అక్కడి నుండి వెళ్ళిపోయారు.