ప్రభుత్వ విధుల్లో నిర్లక్ష్యం వహిస్తే ఎంతటి వారైనా ఉపేక్షించేది లేదని తెలంగాణ వైద్య ఆరోగ్య శాఖ స్పష్టం చేసింది.

దీర్ఘకాలికంగా విధులకు గైర్హాజరవుతున్న వైద్యులపై ప్రభుత్వం కొరడా ఝుళిపించింది.

రాష్ట్రవ్యాప్తంగా విధులకు హాజరుకాకుండా, ఏళ్ల తరబడి సెలవుల్లో ఉన్న 94 మంది వైద్యులను సర్వీస్ నుంచి తొలగిస్తూ డైరెక్టర్ ఆఫ్ మెడికల్ ఎడ్యుకేషన్ (DME) నరేంద్ర కుమార్ కీలక ఉత్తర్వులు జారీ చేశారు.

ఈ తొలగింపునకు గురైన వారిలో ఉమ్మడి వరంగల్ జిల్లాకు చెందిన 17 మంది వైద్యులు ఉన్నారు.

వీరిలో ఎక్కువ మంది అసిస్టెంట్ ప్రొఫెసర్ స్థాయి హోదాలో ఉన్నవారే కావడం గమనార్హం. ప్రధానంగా వీరు ఈ కింది ప్రాంతాల్లో పనిచేస్తున్నారు:

 కాకతీయ మెడికల్ కాలేజీ (KMC)

 ఎంజీఎం (MGM) ఆసుపత్రి

 జనగామ, మహబూబాబాద్, భూపాలపల్లి ప్రభుత్వ ఆసుపత్రులు.