ప్రజాపాలన–ప్రగతి ప్రణాళికలో భాగంగా “ఆరోగ్యమే మహాభాగ్యం” అనే సందేశంతో హనుమకొండలో 5కే రన్ ర్యాలీ నిర్వహించారు. పోచమ్మ మైదాన్ జంక్షన్ నుంచి హనుమకొండ వెయ్యి స్థంభాల గుడి వరకు జరిగిన ఈ ర్యాలీని గ్రేటర్ వరంగల్ మున్సిపల్ కార్పొరేషన్ (GWMC) ఆధ్వర్యంలో నిర్వహించారు. 🏃‍♂️

ఈ కార్యక్రమంలో నగర మేయర్ శ్రీమతి గుండు సుధారాణి, జిల్లా కలెక్టర్లు డా. సత్య శారద, చాహత్ బాజ్ పాయ్, కార్పొరేటర్లు, అధికారులు, యువత మరియు ప్రజలు పెద్ద సంఖ్యలో పాల్గొన్నారు.

ర్యాలీ ద్వారా ఆరోగ్యకరమైన జీవన విధానం, నిత్య వ్యాయామం ప్రాముఖ్యతపై ప్రజల్లో అవగాహన కల్పించారు. ప్రజలు ఆరోగ్యంగా ఉండేందుకు క్రీడలు, వ్యాయామం, నడక వంటి అలవాట్లు అవలంబించాలని అధికారులు పిలుపునిచ్చారు. 💪