బంగారం లాంటి భార్య కు విడాకులు ఇచ్చి..ఇంకో పెళ్లి చేసుకోబోతున్న స్టార్ హీరో :
బాలీవుడ్ స్టార్ హీరో “మిస్టర్ పర్ఫెక్ట్” గా గుర్తింపు పొందిన ఆమిర్ ఖాన్ మరోసారి తన వ్యక్తిగత జీవితంతో వార్తల్లో నిలిచారు. సినీ వర్గాలల్లో వినిపిస్తున్న సమాచారం ప్రకారం అమీర్ ఖాన్ తన భాగస్వామి గౌరీ స్ప్రాట్ను జూలై 5న వివాహం చేసుకోనున్నట్లు తెలుస్తుంది. ఈ వేడుక ముంబైలోని ఆయన నివాసంలో అత్యంత సన్నిహితులు, కుటుంబ సభ్యుల సమక్షంలో సాధారణంగా నిర్వహించే రిజిస్టర్ మ్యారేజ్ రూపంలో జరగనున్నట్లు సమాచారం.
ఇటీవల తమ బంధాన్ని అధికారికంగా మార్చుకోవాలని అమీర్ ఖాన్, గౌరీ నిర్ణయించుకున్నట్లు ప్రచారం జరుగుతుంది. ఇరు కుటుంబాల అంగీకారంతో వివాహ ఏర్పాట్లు కూడా ప్రారంభమైనట్లు వారి సన్నిహిత వర్గాలు వెల్లడించినట్లు బాలీవుడ్ మీడియా కథనాలు పేర్కొంటున్నాయి. అయితే ఈ వివాహంపై అమీర్ ఖాన్ లేదా ఆయన కుటుంబ సభ్యుల నుంచి ఇప్పటివరకు ఎలాంటి అధికార ప్రకటన వెలువడలేదు. అమీర్ ఖాన్ వ్యక్తిగత జీవితాన్ని పరిశీలిస్తే ఇది ఆయనకు మూడో వివాహం కానుంది.
గతంలో రీనా దత్తాని వివాహం చేసుకున్న ఆమిర్కు జునైద్ ఖాన్, ఇరా ఖాన్ అనే ఇద్దరు సంతానం ఉన్నారు. అనంతరం ప్రముఖ దర్శకురాలు కిరణ్ రావును వివాహం చేసుకున్న ఆయనకు ఆజాద్ రావు ఖాన్ అనే కుమారుడు జన్మించాడు. అయితే ఆమిర్, కిరణ్ రావు 2021లో పరస్పర అంగీకారంతో విడాకులు తీసుకున్నట్లు ప్రకటించారు. ఇక గౌరీ స్ప్రాట్ విషయానికి వస్తే ఆమెకు గత వివాహం ద్వారా క్వీన్ అనే కుమారుడు ఉన్నట్లు సమాచారం.
ప్రస్తుతం ఈ జంట తమ కొత్త జీవితాన్ని ప్రారంభించేందుకు సిద్ధమవుతున్నట్లు బాలీవుడ్ వర్గాలలో చర్చ జరుగుతుంది. జూలై 5న వివాహం జరగబోతున్నట్లు బాలీవుడ్ మీడియా కోడై కూస్తుంది. అయితే దీనిపై సోషల్ మీడియాలో అప్పుడే ట్రోలింగ్ ప్రారంభమైంది. బంగారం లాంటి భార్యకు విడాకులు ఇచ్చేసి మరో వివాహం చేసుకుంటున్నావా..? అంటూ అమీర్ ఖాన్ ను దారుణంగా ట్రోల్ చేస్తున్నారు ఆకతాయిలు.