మహబూబాబాద్, ఏప్రిల్ 08: మహబూబాబాద్ జిల్లాలో అవినీతి నిరోధక శాఖ (ACB) అధికారులు నిర్వహించిన దాడుల్లో గూడూరు మండల ఇంచార్జి విద్యాధికారి రవీందర్తో పాటు స్కూల్ అసిస్టెంట్ చంద్రమౌళి లంచం తీసుకుంటూ రెడ్ హ్యాండెడ్గా పట్టుబడ్డారు.
వాగ్య తండాలో ప్రధానోపాధ్యాయుడిగా పనిచేస్తున్న దయ్యాల రవీందర్ ఈ నెల 31న పదవీ విరమణ చేయనున్న నేపథ్యంలో, రిటైర్మెంట్ బెనిఫిట్స్ కోసం రూ.15 వేల లంచం డిమాండ్ చేసినట్లు సమాచారం. దీనిపై బాధితుడు ఏసీబీ అధికారులను ఆశ్రయించడంతో అధికారులు ట్రాప్ వేసి ఇద్దరినీ పట్టుకున్నారు.
ఈ ఘటనపై పూర్తి వివరాలు తెలియాల్సి ఉండగా, కేసు నమోదు చేసి విచారణ కొనసాగిస్తున్నారు.