భద్రాచలం శ్రీ సీతారామచంద్ర స్వామి వారి ఆలయ అభివృద్ధి పనులు ఆగమ శాస్త్రానుసారం మరియు ఆలయ సహజత్వాన్ని కాపాడే విధంగా చేపట్టాలని ముఖ్యమంత్రి శ్రీ ఎ. రేవంత్ రెడ్డి గారు అధికారులకు స్పష్టం చేశారు. ఆలయ అభివృద్ధి ప్రణాళికలపై జరిగిన ఉన్నతస్థాయి సమావేశంలో సీఎం సమగ్రంగా సమీక్షించారు.

🛕 ఈ సమావేశంలో ఉప ముఖ్యమంత్రి భట్టి విక్రమార్క గారితో పాటు మంత్రులు, ఉన్నతాధికారులు పాల్గొన్నారు. ఇప్పటికే జరిగిన భూసేకరణకు అనుగుణంగా రూపొందించిన పలు అభివృద్ధి డిజైన్లను సీఎం పరిశీలించారు.

🛕 భక్తులకు ఎలాంటి ఇబ్బందులు కలగకుండా అభివృద్ధి పనులను మూడు దశల్లో పూర్తి చేసేలా ప్రణాళికలు సిద్ధం చేయాలని సీఎం ఆదేశించారు.

🛕 రాబోయే గోదావరి పుష్కరాలు దృష్టిలో పెట్టుకుని ముందుగా పూర్తి చేయాల్సిన పనులను గుర్తించి, అంచనాలతో కూడిన మొదటి దశ ప్రణాళికలు సిద్ధం చేయాలని సూచించారు.

🛕 ఆలయ సమీపంలో పుష్కర ఘాట్ల నిర్మాణం మరియు అభివృద్ధి పనులు పుష్కరాల ప్రణాళికలకు అనుగుణంగా చేపట్టాలని పేర్కొన్నారు.

🛕 2027 మార్చి 31 నాటికి మొదటి దశ పనులు పూర్తి చేయాలి అనే లక్ష్యాన్ని ప్రభుత్వం నిర్దేశించింది.

🛕 పుష్కరాలు ముగిసిన తరువాత మిగతా పనుల కోసం కూడా ఇప్పటి నుంచే ప్రణాళికలు, అంచనాలు సిద్ధం చేయాలని సీఎం ఆదేశించారు.

ఈ సమీక్షలో మంత్రులు కొండా సురేఖ, తుమ్మల నాగేశ్వరరావు, పొంగులేటి శ్రీనివాస రెడ్డి, ఎంపీలు వేం నరేందర్ రెడ్డి, బలరాం నాయక్, ప్రభుత్వ ప్రధాన కార్యదర్శి రామకృష్ణారావు తదితరులు పాల్గొన్నారు.