హనుమకొండలోని శ్రీ భద్రకాళీ దేవస్థానం లో జరుగుతున్న బ్రహ్మోత్సవాలు ఘనంగా కొనసాగుతున్నాయి. ఇందులో భాగంగా శ్రీ భద్రకాళీ భద్రేశ్వరుల కళ్యాణ మహోత్సవం–2026 కార్యక్రమాలు నిన్న రాత్రి అత్యంత వైభవంగా నిర్వహించబడ్డాయి.
ఈ వేడుకలను ఉభయ దాతలైన రెడ్డి సంక్షేమ సంఘం ఆధ్వర్యంలో అంగరంగ వైభవంగా నిర్వహించారు. భక్తుల రద్దీ మధ్య ఆలయం పండుగ వాతావరణంతో కళకళలాడింది.
ఈ కార్యక్రమాలకు ముఖ్య అతిథిగా వరంగల్ పశ్చిమ నియోజకవర్గ ఎమ్మెల్యే నాయిని రాజేందర్ రెడ్డి గారు, నీలిమ దంపతులు హాజరయ్యారు. ఆలయ అర్చకులు, అధికారులు వారికి సంప్రదాయబద్ధంగా స్వాగతం పలికారు.
అనంతరం ఎమ్మెల్యే దంపతులు ప్రత్యేక పూజల్లో పాల్గొని, భక్తులతో కలిసి మహోత్సవాలను దర్శించుకున్నారు.
ఈ సందర్భంగా ఎమ్మెల్యే నాయిని రాజేందర్ రెడ్డి గారు మాట్లాడుతూ—దేవీదేవతల ఆశీస్సులతో ప్రజలందరికీ శాంతి, సుఖసంతోషాలు కలగాలని ఆకాంక్షించారు.