జయశంకర్ భూపాలపల్లి జిల్లాలో రైతులు చాకచక్యంగా వ్యవహరించి దొంగలను పట్టించిన ఉదంతం ఇది.

భూపాలపల్లి మండలం నేరేడుపల్లిలోని మొరంచవాగు పరిసరాల్లో వరుసగా చోరీలు జరుగుతున్నాయి. దీనిని అరికట్టడానికి రైతులంతా ఏకమై ఒక స్మార్ట్ ప్లాన్ వేశారు.

 రైతులు తమ పొలాల వద్ద సీసీ కెమెరాలను ఏర్పాటు చేసుకున్నారు. బుధవారం రాత్రి దొంగలు చోరీకి ప్రయత్నించగా, కెమెరాలు వారి కదలికలను గుర్తించి రైతుల ఫోన్లకు అలర్ట్ పంపాయి.

వెంటనే అప్రమత్తమైన రైతులు పొలాల వద్దకు చేరుకుని, దొంగలను రెడ్ హ్యాండెడ్‌గా పట్టుకుని పోలీసులకు అప్పగించారు. సాంకేతికతను వాడుకుని రైతులు తమ ఆస్తులను రక్షించుకోవడమే కాకుండా, నేరస్తులను పట్టుకోవడంలో సఫలీకృతమయ్యారు.