Tea : పొద్దు పొద్దున్నే లేచి లేవగానే పరుగు పరుగున వంట గదిలోకి వెళ్లి.. చిక్కటి పాలల్లో.. కొంచెం టీ పౌడర్ వేసి.. ఇంకొంచెం చక్కర వేసి.. కుదిరితే కొంచెం చక్క.. రెండు యాలకులు వేసుకొని బాగా మరగపెట్టుకుని..
అలా కప్పులో పోసుకొని ఆస్వాదిస్తూ “టీ” ని ఇష్టంగా తాగుతుంటారు కొంతమంది జనాలు.
అయితే అది ఆరోగ్యానికి ప్రమాదకరమని తెలిసినా కూడా ఇంకా ఆ అలవాటును మానుకొనే మానుకోరు. మార్నింగ్ లేవగానే నేరుగా టీ తాగడం చాలామందికి అలవాటు ఉండే ఉంటుంది.
కానీ ఇప్పుడు అందరికీ ఒక అవగాహన అయితే వచ్చింది. ప్రొద్దున్నే లేవగానే ఖాళీ కడుపుతో టీ తాగకూడదు అని..
అలా తాగితే గ్యాస్ట్రిక్ సమస్యలు అలాగే కిడ్నీ సమస్యలు ఎక్కువగా వస్తాయి అని ఇంట్లో ఉండే పిల్లలు లేదా..
ఇరుగుపొరుగువారు లేదా.. టీవీలో లేదా.. సోషల్ మీడియాలో ఎక్కడొ ఒకచోట చదివే ఉంటాం. వినే ఉంటాం. కానీ కొంతమంది మాత్రం మార్నింగ్ లేవగానే “టీ” తాగే అలవాటును అస్సలు మానుకోలేరు.
ఇప్పటికీ చాలామంది మనలో కూడా పొద్దున్నే లేవగానే “టీ” తాగితే కానీ రోజు మొదలవ్వదేమో అన్న విధంగా చేస్తూ ఉంటారు .
అయితే ఈ అలవాటు చాలా చాలా ప్రమాదకరమంటూ ఆరోగ్య నిపుణులు హెచ్చరిస్తున్నారు. ఎన్నిసార్లు చెప్పినా చాలామంది మార్నింగ్ లేవగానే టీ తాగే అలవాటు అలాగే కంటిన్యూ చేస్తున్నారని.. దీర్ఘకాలంలో ఇది తీవ్రమైన ఆరోగ్య సమస్యలకు దారి తీయొచ్చు అని హెచ్చరిస్తున్నారు.
ఈ అలవాటు ఇలాగే కొనసాగితే రానున్న రోజుల్లో కిడ్నీ సమస్యలు మరింత పెరిగిపోతాయి అని హెచ్చరిస్తున్నారు.
కాళీ కడుపుతో టీ తాగితే కిడ్నీలో స్టోన్స్ ఏర్పడే అవకాశం ఎక్కువగా ఉంది అంటూ హెచ్చరిస్తున్నారు.
“టీ”లో సహజంగానే ఆక్సిలేట్లు ఉంటాయి. ఖాళీ కడుపుతో టీ తాగినప్పుడు ఈ కాంపౌండ్స్ నేరుగా కిడ్నీలకు చేరుకుంటాయి.
ఇవి శరీరంలోనికి కాల్షియంతో కలిసి స్పటికాలుగా మారి కాలక్రమేన అలా అలా కిడ్నీ స్టోన్స్ గా మారుతాయట.
ఇవి ఆరోగ్యానికి చాలా ప్రమాదకరం అంటూ హెచ్చరిస్తున్నారు డాక్టర్లు.
అంతేకాదు టీ లోని కెఫిన్ కాళీ కడుపుతో తీసుకున్నప్పుడు రక్తపోటు అకస్మాత్తుగా పెరిగిపోతుంది అని.. ఇది బిపి పేషెంట్స్ కి భారీ డేంజర్ అని హెచ్చరిస్తున్నారు.
ఇది దీర్ఘకాలంలో కిడ్నీలోని రక్తనాళాలను దెబ్బతీస్తుంది అంటూ చెబుతున్నారు. అంతేకాదు పొద్దున్నే లేవగానే టీ తాగడం వలన గ్యాస్ సమస్యలు కూడా ఎక్కువగా ఉంటాయి అని హెచ్చరిస్తున్నారు.
ఉదయం లేవగానే గోరువెచ్చని నీళ్లు రెండు గ్లాసులు తాగితే ఆరోగ్యానికి చాలా చాలా మంచిది. జీర్ణ సమస్యలు రావు.
అదేవిధంగా బరువు తగ్గాలి అనుకునే వారు..ఏ ఆరోగ్య సమస్యలు లేని వాళ్ళు కూడా ఇలా మార్నింగ్ ఖాళీ కడుపుతో నీళ్లు తాగడం ఉత్తమం అని డాక్టర్లు సూచిస్తున్నారు.