వరంగల్ వేదికగా రాజకీయ పోరు మరింత ముదిరింది. మే 6వ తేదీన నగరంలో భారీ బహిరంగ సభను నిర్వహించాలని BRS అధిష్టానం నిర్ణయించింది.
సరిగ్గా అదే రోజున కాంగ్రెస్ పార్టీ ‘రైతు డిక్లరేషన్’ ప్రకటించనున్న నేపథ్యంలో, దానికి ధీటుగా ఈ సభను ఏర్పాటు చేయాలని స్థానిక నాయకత్వం ప్రతిపాదించింది.
ఈ కీలక కార్యక్రమానికి ముఖ్య అతిథిగా హాజరుకావాలని పార్టీ వర్కింగ్ ప్రెసిడెంట్ కేటీఆర్ను వరంగల్ నేతలు కలిసి ఆహ్వానించారు.
కాంగ్రెస్ వైఖరిని ఎండగడుతూ, ఆ పార్టీకి గట్టి కౌంటర్ ఇచ్చేలా గులాబీ శ్రేణులు ఈ సభను ప్రతిష్టాత్మకంగా తీసుకున్నాయి. భారీ జన సమీకరణ ద్వారా తమ బలాన్ని చాటాలని ప్లాన్ చేస్తున్నాయి.
మే 6న ఒకేసారి రెండు ప్రధాన పార్టీల కార్యక్రమాలు ఉండటంతో వరంగల్ జిల్లాలో రాజకీయ వాతావరణం ఒక్కసారిగా వేడెక్కింది. ఎన్నికల ముందే సవాళ్లు, ప్రతిసవాళ్లతో తెలంగాణ పాలిటిక్స్ ఆసక్తికరంగా మారాయి.