వరంగల్ జిల్లా: వరంగల్ జిల్లాలో ప్రకృతి విపత్తులను ఎదుర్కొనేందుకు యంత్రాంగం సర్వసన్నద్ధంగా ఉంది. ఇందులో భాగంగా జిల్లా కలెక్టర్ సత్య శారద నేతృత్వంలో విపత్తు నిర్వహణ మాక్ డ్రిల్ (Mock Drill) నిర్వహించారు.
మాక్ డ్రిల్లో భాగంగా ఖిలా వరంగల్ మధ్య కోట గుండు చెరువు ప్రాంతంలోని యాదవ వాడలో జిల్లా కలెక్టర్ రెడ్ అలర్ట్ ప్రకటించారు.
వాతావరణ శాఖ నుంచి వచ్చే హెచ్చరికల ప్రకారం ఎలాంటి పరిస్థితులనైనా ఎదుర్కొనేందుకు అన్ని శాఖల అధికారులను, సిబ్బందిని కలెక్టర్ అప్రమత్తం చేశారు. ముందస్తు ఏర్పాట్లను సమీక్షించారు.
అనుకోకుండా అత్యవసర ప్రకృతి విపత్తులు సంభవించినప్పుడు ప్రజలు భయాందోళనలకు గురికాకుండా, ఏ విధంగా అప్రమత్తంగా ఉండాలి మరియు ప్రాణ, ఆస్తి నష్టాలను ఎలా నివారించాలనే అంశాలపై కలెక్టర్ స్వయంగా ప్రజలకు అవగాహన కల్పించారు.