Vaibhav Sooryavanshi: ఇంటర్నెట్ ని షేక్ చేస్తున్న సూర్యవంశీ ఫన్నీ వీడియో :
ఐపీఎల్ 2026 సీజన్ లో తన అద్భుతమైన బ్యాటింగ్ తో అందరి దృష్టిని ఆకర్షించిన యువర్ బ్యాటర్ వైభవ్ సూర్యవంశీ మరోసారి సోషల్ మీడియాలో హాట్ టాపిక్ గా మారాడు. ఈసారి అతని బ్యాటింగ్ కాదు అవార్డు ప్రధానోత్సవ వేడుకల్లో చెప్పిన సరదా సమాధానం నెటిజన్లను ఆకట్టుకుంటుంది. ఈ సీజన్లో అద్భుత ప్రదర్శన కనబరిచిన సూర్యవంశీ అత్యధిక పరుగులు సాధించి ఆరెంజ్ క్యాప్ ను దక్కించుకున్నాడు.
అంతేకాకుండా సూపర్ స్ట్రైకర్ ఆఫ్ ది సీజన్, ఎమర్జింగ్ ప్లేయర్ ఆఫ్ ది సీజన్, అత్యధిక సిక్సర్లు బాదిన ఆటగాడిగా పలు అవార్డులు సొంతం చేసుకున్నాడు. అవార్డు స్వీకరణ అనంతరం జరిగిన సంభాషణలో మాజీ భారత క్రికెటర్ రవి శాస్త్రి , సూర్యవంశీని ప్రశంసిస్తూ.. “ఇంత భారీ షాట్లు ఎలా కొడుతున్నావు..? నీకు అంత బలం ఎక్కడి నుంచి వస్తుంది..? రోజుకి ఎన్ని గ్లాసుల పాలు తాగుతావు..?” అని సరదాగా ప్రశ్నించాడు.
దీనికి వైభవ్ సూర్యవంశీ చిరునవ్వుతో సమాధానమిస్తూ..”ఇప్పుడు నేను పాలు తాగడం లేదు సార్” అని చెప్పాడు. అతని సమాధానం విన్న వెంటనే అక్కడున్న వారంతా నవ్వుల్లో మునిగిపోయారు. రవి శాస్త్రి, సూర్యవంశీ మధ్య జరిగిన ఈ సరదా సంభాషణకు సంబంధించిన వీడియో ప్రస్తుతం సోషల్ మీడియాలో వైరల్ గా మారి అభిమానులను అలరిస్తుంది. యువ క్రికెటర్ హాస్యచతురతపై నెటిజన్లు ప్రశంసలు కురిపిస్తున్నారు.