ధర్మసాగర్: మండలంలోని సాయిపేట గ్రామంలో జరుగుతున్న ఉపాధి హామీ పనులను జిల్లా కలెక్టర్ స్వయంగా పరిశీలించారు. చెరువులో పూడికతీత పనులు చేస్తున్న కూలీలతో కలెక్టర్ మాట్లాడి, వారికి అందుతున్న సౌకర్యాల గురించి ఆరా తీశారు.
కూలీలకు పని ప్రదేశంలో తాగునీరు మరియు ఓఆర్ఎస్ (ORS) ప్యాకెట్లు అందుబాటులో ఉంచాలని అధికారులను ఆదేశించారు. ఎండల తీవ్రత దృష్ట్యా, కూలీల ఆరోగ్య భద్రత కోసం ఉదయం 6 గంటల నుండి 11 గంటల వరకు మాత్రమే పనులు నిర్వహించాలని సూచించారు.
వడదెబ్బ తగలకుండా తీసుకోవాల్సిన జాగ్రత్తలపై కూలీలకు అవగాహన కల్పించారు.