వరంగల్ ఎనుమాముల వ్యవసాయ మార్కెట్‌లో గురువారం ఉద్రిక్తత నెలకొంది. ఇటీవల గాయత్రీ చిల్లీస్ యజమాని సుమారు రూ. 3 కోట్లతో పరారీ కావడంతో, నష్టపోయిన వ్యాపారులు చాంబర్ ఆఫ్ కామర్స్ ఆధ్వర్యంలో మార్కెట్ కమిటీ కార్యాలయం ముందు నిరసనకు దిగారు. ఈ ఆందోళనల కారణంగా మార్కెట్‌లో కొనుగోళ్లు పూర్తిగా నిలిచిపోయాయి. మరోవైపు, ఉదయం 9 గంటలు దాటినా ధరల నిర్ణయం జరగకపోవడంతో అటు రైతులు కూడా మార్కెట్ ముందు ఆందోళనకు దిగారు.