అమ్మతనానికి కొత్త అర్థం చెప్పిన Gutta Jwala..60 లీటర్ల తల్లిపాలు దానం:
హైదరాబాద్ కు చెందిన ప్రముఖ బ్యాడ్మింటన్ క్రీడాకారిణి గుత్తా జ్వాల మరోసారి తన గొప్ప మనసును చాటుకున్నారు. క్రీడల్లో దేశానికి గౌరవం తీసుకొచ్చిన ఆమె..ఇప్పుడు తల్లిపాల దానంతో ఎంతోమంది శిశువుల జీవితాలలో ఆశా కిరణంగా నిలుస్తున్నారు. తల్లిపాలకు దూరమైన చిన్నారుల ఆరోగ్యాన్ని దృష్టిలో పెట్టుకొని చెన్నై ప్రభుత్వ ఆసుపత్రుల్లోని నవజాత శిశువులకు తన చనుబాలును అందిస్తూ సేవా భావాన్ని చాటుతున్నారు.
ప్రతిరోజు సుమారు 600 మిల్లీలీటర్ల తల్లిపాలను దానం చేస్తున్న గుత్తా జ్వాల ఇప్పటివరకు దాదాపు 60 లీటర్ల పాలను అందించినట్లు తెలిపారు. ఈ తల్లిపాలు ముఖ్యంగా తల్లిని కోల్పోయిన లేదా తల్లిపాలు అందని శిశువులకు ఎంతో మేలు చేస్తున్నాయని వైద్యులు చెబుతున్నారు. “తల్లిపాలను “లిక్విడ్ గోల్డ్” అని పిలుస్తారని.. వాటిలో శిశువుల ఎదుగుదలకు అవసరమైన పోషకాలు యాంటీ బాడీ లు సమృద్ధిగా ఉంటాయని” జ్వాలా పేర్కొన్నారు.
తన బిడ్డకు అవసరమైనంత పాలు ఇచ్చిన తర్వాత మిగిలిన పాలను వృధా చేయకుండా ఇతర చిన్నారులకు ఉపయోగపడేలా దానం చేయాలని నిర్ణయించుకున్నట్లు ఆమె వెల్లడించారు. ప్రతి తల్లి కూడా వీలైనప్పుడు “బ్రెస్ట్ మిల్క్ డొనేషన్” పై అవగాహన పెంచుకోవాలని.. ఇది సమాజానికి ఎంతో ఉపయోగకరమని ఆమె సూచించారు. క్రీడల్లోనూ, సేవల్లోనూ ఆదర్శంగా నిలుస్తున్న గుత్తాజ్వాల 2010 మరియు 2014 కామన్వెల్త్ క్రీడల్లో స్వర్ణ పథకాలు సాధించి భారతదేశానికి గర్వకారణమయ్యారు. ఇప్పుడు తల్లిపాల దానంతో మరోసారి సమాజానికి స్ఫూర్తిగా నిలుస్తూ ప్రశంసలు అందుకుంటున్నారు.
Read Warangal News and Latest Politics News and Real Estate