మహబూబాబాద్ జిల్లా గూడూరు మండలంలో విద్యాశాఖలో కీలక మార్పులు చోటుచేసుకున్నాయి. గూడూరు గర్ల్స్ హైస్కూల్ హెడ్ మాస్టర్గా పనిచేస్తున్న సుజాత గారు మండల విద్యాశాఖ నూతన అధికారిగా నియమితులయ్యారు.
ఇప్పటి వరకు విధుల్లో ఉన్న మండల విద్యాశాఖ అధికారి ఇటీవల ఏసీబీ (అవినీతి నిరోధక శాఖ) దాడుల్లో పట్టుబడటంతో, ఆ స్థానంలో కొత్త అధికారిని నియమించే ప్రక్రియను విద్యాశాఖ చేపట్టింది. ఈ క్రమంలో సుజాత గారికి గూడూరు మండల విద్యాశాఖ అధికారిగా బాధ్యతలు అప్పగించారు.
విద్యా రంగంలో అనుభవం కలిగిన సుజాత గారి నియామకం ద్వారా మండలంలో విద్యా వ్యవస్థ మరింత మెరుగుపడుతుందని స్థానికులు ఆశాభావం వ్యక్తం చేస్తున్నారు. ముఖ్యంగా ప్రభుత్వ పాఠశాలల అభివృద్ధి, విద్యార్థుల నాణ్యమైన విద్యపై ప్రత్యేక దృష్టి సారిస్తారని భావిస్తున్నారు.