హన్మకొండలోని అజారా హాస్పిటల్ వద్ద ఉద్రిక్తత నెలకొంది. పరకాల మండలం రాజపేటకు చెందిన రవి అనే వ్యక్తి వైద్యుల నిర్లక్ష్యం వల్ల మృతి చెందారని ఆయన బంధువులు ఆరోపిస్తూ ఆసుపత్రి ఎదుట బైఠాయించి ఆందోళన చేపట్టారు. నిన్న మరణించిన రవి మృతదేహాన్ని తమకు అప్పగించకుండా, ఎక్కడికి తరలించారో కూడా చెప్పకుండా హాస్పిటల్ యాజమాన్యం ఇబ్బందులకు గురిచేస్తోందని వారు ఆగ్రహం వ్యక్తం చేస్తున్నారు. ఇటువంటి ఘటనలు పునరావృతం కాకుండా బాధ్యులైన వైద్యులపై కఠిన చర్యలు తీసుకోవాలని మృతుని బంధువులు డిమాండ్ చేస్తున్నారు.