హన్మకొండ: జిల్లా కలెక్టరేట్లో సోమవారం నిర్వహించిన ‘ప్రజావాణి’ కార్యక్రమంలో ఒక వృద్ధుడు తనకు జరిగిన అన్యాయాన్ని కలెక్టరుకు వివరిస్తూ కన్నీటి పర్యంతమయ్యాడు. వైద్యుల నిర్లక్ష్యం వల్ల తన ఆరోగ్యం దెబ్బతిన్నదని ఆయన ఆరోపించారు.
నడుము నొప్పితో బాధపడుతున్న సదరు వృద్ధుడు చికిత్స కోసం ఆసుపత్రికి వెళ్లగా, వైద్యులు అది కిడ్నీ సమస్య అని చెప్పి ఆపరేషన్ చేశారు. ఇందుకోసం సుమారు రూ. 3.5 లక్షలు వసూలు చేశారు. ఆపరేషన్ తర్వాత ఆయన కోమాలోకి వెళ్లారు. అనంతరం నిమ్స్ (NIMS)లో చికిత్స పొందగా, ఆపరేషన్ కారణంగా కిడ్నీలు దెబ్బతిన్నాయని తేలింది. స్థానికంగా ఈ విషయాన్ని దాచిపెట్టారని, అధికారుల చుట్టూ తిరిగినా ఎటువంటి చర్యలు తీసుకోలేదని బాధితుడు వాపోయారు. అధికారుల నిర్లక్ష్యంతో విసిగిపోయి చివరికి న్యాయం చేయాలని కోరుతూ జిల్లా కలెక్టర్ను ఆశ్రయించారు.