హనుమకొండ:
హనుమకొండ జిల్లా నూతన రెవెన్యూ డివిజనల్ అధికారి (RDO) గా బాధ్యతలు స్వీకరించిన వెంకటేష్, గురువారం బాలసముద్రంలోని ఎమ్మెల్యే క్యాంప్ ఆఫీసులో వరంగల్ పశ్చిమ నియోజకవర్గ శాసనసభ్యులు నాయిని రాజేందర్ రెడ్డిని మర్యాదపూర్వకంగా కలుసుకున్నారు. ఈ సందర్భంగా నూతన ఆర్డీఓకు ఎమ్మెల్యే నాయిని శుభాకాంక్షలు తెలుపుతూ మొక్కను బహూకరించారు.
ఈ సందర్భంగా ఎమ్మెల్యే నాయిని రాజేందర్ రెడ్డి మాట్లాడుతూ.. ప్రజలకు ఎలాంటి ఇబ్బందులు కలగకుండా, నూతన ఉత్సాహంతో సమర్థవంతమైన సేవలను అందించాలని ఆకాంక్షించారు. ప్రభుత్వ సంక్షేమ, అభివృద్ధి కార్యక్రమాలు క్షేత్రస్థాయిలో ప్రజలందరికీ వేగంగా అందేలా చూడటంలో అధికారుల పాత్ర కీలకమన్నారు.
ప్రభుత్వ లక్ష్యాలకు అనుగుణంగా వివిధ శాఖల అధికారులందరినీ సమన్వయం చేసుకుంటూ, బాధ్యతాయుతంగా విధులు నిర్వహించాలని ఈ సందర్భంగా ఆర్డీఓ వెంకటేష్కు ఎమ్మెల్యే నాయిని సూచించారు.