​హన్మకొండ బాలసముద్రంలోని ఆదర్శ లా కాలేజీలో భారీ మోసం వెలుగుచూసింది. కాలేజీలో పనిచేస్తున్న డేటా ఎంట్రీ ఆపరేటర్ హేమంత్, కంప్యూటర్ ఆపరేటర్ రజనీకాంత్ విద్యార్థుల ఫీజులను సంస్థ ఖాతాలో జమ చేయకుండా, తమ వ్యక్తిగత ఖాతాలకు మళ్లించారు. సుమారు రూ. 4.15 కోట్ల మేర వీరు గోల్‌మాల్ చేసినట్లు గుర్తించారు. నిందితులు విద్యార్థులకు నకిలీ రశీదులు ఇవ్వడంతో ఈ విషయం ఆలస్యంగా బయటపడింది. దీనిపై బాధితులైన 40 మందికి పైగా విద్యార్థులు సుబేదారి పోలీసులకు ఫిర్యాదు చేశారు.