తెలంగాణ రాజకీయాల్లో ప్రధాన చర్చనీయాంశంగా మారిన ఫోన్ ట్యాపింగ్ కేసు విచారణ కీలక దశలోకి చేరుకుంది.
మాజీ ముఖ్యమంత్రి, బీఆర్ఎస్ అధ్యక్షుడు కె. చంద్రశేఖర్ రావు (కేసీఆర్)ను ఈ కేసులో విచారించేందుకు స్పెషల్ ఇన్వెస్టిగేషన్ టీమ్ (సిట్) అధికారులు సిద్ధమయ్యారు.
ఈ నేపథ్యంలో సిట్ బృందం నందినగర్లోని కేసీఆర్ నివాసానికి వెళ్లి ఆయన పర్సనల్ అసిస్టెంట్కు నోటీసు అందజేసింది.
శుక్రవారం మధ్యాహ్నం 3 గంటలకు విచారణకు సిద్ధంగా ఉండాలని నోటీసులో పేర్కొన్నారు.
కానీ వయసు (70 ఏళ్లు దాటినందున) దృష్ట్యా కేసీఆర్ను జూబ్లీహిల్స్ పోలీస్ స్టేషన్కు రప్పించాల్సిన అవసరం లేదని సిట్ అధికారులు స్పష్టం చేశారు.
సీఆర్పీసీ సెక్షన్ 160 ప్రకారం 65 ఏళ్లు పైబడిన వ్యక్తులు పోలీస్ స్టేషన్కు తప్పనిసరిగా హాజరు కావాల్సిన బాధ్యత లేదని, కాబట్టి కేసీఆర్ కోరిన స్థలంలోనే విచారణ నిర్వహిస్తామని తెలిపారు.
అయితే ఆ స్థలం హైదరాబాద్ నగర పరిధిలోనే ఉండాలనే షరతును విధించారు.
కేసీఆర్ ఏ ప్రదేశంలో విచారణ జరపాలని కోరుకుంటున్నారో ముందస్తుగా తెలియజేయాలని నోటీసులో పేర్కొన్నారు.
ఈ పరిమితి దృష్ట్యా నందినగర్లోని కేసీఆర్ నివాసంలోనే విచారణ జరిగే అవకాశం కనిపిస్తోంది.