వరంగల్‌లోని కాకతీయ మెడికల్ కాలేజ్ (KMC) లో ర్యాగింగ్ తరహా ఘటన చోటుచేసుకుంది. బీఎస్సీ రేడియాలజీ చదువుతున్న సీనియర్ విద్యార్థులు, జూనియర్లను గ్రేటర్ మున్సిపల్ కార్పొరేషన్ మ్యూజికల్ గార్డెన్‌కు పిలిపించి కొట్టినట్లు సమాచారం.

​MGM ఆసుపత్రిలో క్లినికల్ శిక్షణ పొందుతున్న సమయంలో, జూనియర్లు తమకు తగిన విలువ ఇవ్వడం లేదనే నెపంతో సీనియర్లు ఈ దాడికి పాల్పడ్డారు. బాధితులు తమ తల్లిదండ్రులకు విషయాన్ని వివరించగా, వారు వెంటనే KMC ప్రిన్సిపాల్‌కు ఫిర్యాదు చేశారు. దీనిపై స్పందించిన కాలేజీ యాజమాన్యం విద్యార్థులకు కౌన్సిలింగ్ ఇచ్చి పంపారు.